Kipr rasmiylari xorij fuqarolariga investitsiyalar kiritish evaziga berilgan 26 ta pasportni qaytarib oldi. Bu haqda mamlakat ichki ishlar vaziri Konstantinos Petridis ma’lum qildi, deya xabar beradi Meduza.
Vazir aynan kimlar fuqarolikdan mahrum qilinganiga aniqlik kiritmadi. Kiprning Sigmalive resursi manblariga ko‘ra, ular orasida 9 nafar Rossiya, 8 nafar Kambodja va 5 nafar Xitoy fuqarosi bor. Ularning oila a’zolaridan ham pasportlar olib qo‘yilgan.
Kipr prezidenti Nikos Anastasiadis 4-noyabr kuni mamlakat pasportlari noto‘g‘ri berilishiga oid 10-15 ta “yo‘l qo‘yib bo‘lmaydigan” holatlar haqida gapirgandi. Gap mablag‘ o‘zlashtirishda gumon qilingan yoki “mustabid hukumatlar”ga aloqador shaxslarga berilgan hujjatlar haqida ketmoqda.
Izoh (0)