Buxorodagi uylar yo‘qolib ketishi mumkin bo‘lgan yodgorliklar ro‘yxatiga kiritildi (fotogalereya)

Butunjahon yodgorliklarni himoya qilish fondi yaqin kelajakda yo‘qolib ketishi mumkin bo‘lgan 25 ta madaniy obyektlardan iborat ro‘yxatni taqdim etdi.

Aprel oyida Notr Dam (Bibi Maryam sobori)da kuchli yong‘in yuz bergan va u 12 soat davom etgandi. Taxminlarga ko‘ra, yong‘in qisqa tutashuv sabab yuzaga kelgan. Fransiya prezidenti Emmanuel Makron soborni besh yil ichida qayta tiklashga va’da bergan edi. Uni ta’mirlash uchun dastlabki kunlarning o‘zida besh milliard yevrodan ortiq pul yig‘ilgan.

Tusheti milliy bog‘i Gruziyaning shimoli-sharqida joylashgan diqqatga sazovor maskanlardan biri. Faqat bitta avtomobil yo‘li eltadigan mazkur maskanga yilning bir necha oyidagina borish mumkin. Hukumat u yerga yangi yo‘l qurishni rejalashtirmoqda. Fondning ta’kidlashicha, buning oqibatida turistlar oqimi ko‘payib, ekologiyaga jiddiy zarar yetishi mumkin.

Bundan tashqari, fond Pasxa orolidagi g‘or rasmlari hozirda to‘g‘ri nazorat qilinmayotganidan xavotirda.

Pasxa oroli, Chili

Notr Dam, Fransiya

Bennerli ko‘prigi, Buyuk Britaniya

Pryanik uychalar, Gaiti

Mam Rashan dahmasi, Iroq

Sardar Vallabxai Patel nomidagi stadion, Hindiston

Tusheti milliy bog‘i, Gruziya

Inari-Yu jamoat hammomi, Yaponiya

Mexikodagi milliy kanal, Meksika

Inklarning muqaddas vodiysi, Peru

Choyjin-lama ibodatxona muzeyi, Mo‘g‘uliston

Kindlerlar butxonasi, Polsha

Anarkali bozori, Pokiston

Buxoroda joylashgan yahudiylar dahasidagi eski uylar, O‘zbekiston

“Ontario Plays” ko‘ngilochar bog‘i, Kanada

Kordova markaziyadgi tarixiy uylar, Ispaniya

Beard Ears milliy monumenti, AQSh