Uch kun avval Sankt-Peterburgning Frunze tumanida to‘rt oylik o‘g‘li bilan savdo markaziga ketayotganida yo‘qolib qolgan o‘zbekistonlik Sarvinoz Adizova volontyorlar tomonidan topilgandi.
Sarvinoz 31-oktabr kuni o‘gli bilan birga sog‘-omon holda topilgan. Shu tarzda endigina boshlangan qidiruv ishlari yakunlandi: volontyorlar yo‘qolgan ona va bola suratlarini ko‘chalarga yopishtirib chiqqan, ijtimoiy tarmoqlarga tarqatayotgan edi.
“Rus tilida zo‘rg‘a gapiradigan ayolga hech qanday zarar yetmagan. Uning shuncha kun qayerda yurgani hozircha noma’lum”, — deyiladi xabarda.
Politsiyaga ayol va uning farzandi topilgani haqidagi rasmiy xabar hali yetkazilmagan.
Sankt-Peterburg ichki ishlar organlarida ular haligacha bedarak yo‘qolganlar ro‘yxatida.
O‘zbekistonlik 32 yoshli erkak 29-oktabr kuni rafiqasi va o‘g‘li yo‘qolib qolgani haqida xabar bergan edi.
Izoh (0)