O‘zbekiston Prezidenti Administratsiyasi huzuridagi Axborot va ommaviy kommunikatsiyalar agentligida Samarkand Half Marathon’ga bag‘ishlangan matbuot anjumani bo‘lib o‘tdi. Bu haqda agentlik direktori o‘rinbosari Saida Mirziyoyeva o‘zining Instagram sahifasida xabar berdi.
Saida Mirziyoyevaning aytishicha, Birlashgan Millatlar Tashkiloti ma’lumotiga ko‘ra, Yer yuzi aholisining 15 foizi, ya’ni bir milliarddan ortiq insonning u yoki bu ko‘rinishdagi nogironligi bor. O‘zbekiston Sog‘liqni saqlash vazirligi ma’lumotlariga ko‘ra, 2019-yilda mamlakatda 710 mingdan ortiq imkoniyati cheklangan shaxs ro‘yxatga olingan.
Matbuot anjumanida ma’lum qilinishicha, yarim marafon ishtirokchilari uchun madaniyat muassasalarida inklyuziv muhitni shakllantirish bo‘yicha xalqaro tajribaga bag‘ishlangan ta’lim dasturi tayyorlangan. Loyihadan san’atni adaptatsiya qilishning turli usullari, universal dizayn hamda muzey vositalari orqali ijtimoiy-madaniy reabilitatsiya to‘g‘risidagi ma’ruzalar o‘rin olgan.
Matbuot anjumani doirasida Savitskiy nomidagi davlat san’at muzeyi to‘plamidan joy olgan suratlar va Registon me’moriy majmuasining modelidan iborat ko‘rgazma ham tashkil etilgan.
Izoh (0)