Termiz shahrida 24-oktabr, payshanba kuni Mudofaa vazirligi harbiy qismlariga zamonaviy harbiy-jangovar texnikalarning kalitlari topshirildi. Bu haqda Surxondaryo viloyati hokimligi matbuot xizmati xabar berdi.
Tantanali tadbirda Surxondaryo viloyati hokimi, harbiy-ma’muriy sektor rahbari To‘ra Bobolov, Mudofaa vazirining o‘rinbosari polkovnik Oybek Ismoilov, Janubi-g‘arbiy maxsus harbiy qo‘shinlar qo‘mondonligi, qator davlat va jamoat tashkilotlari, nuroniylar va yoshlar vakillari hamda harbiy texnikalarni qabul qilgan harbiy xizmatchilar ishtirok etdi.
Yangi harbiy-jangovar texnikalarni qabul qilib olgan harbiylar zimmalarida mas’uliyat yuki oshganini qayta-qayta ta’kidladi. Tadbir davomida keng jamoatchilik vakillari, yoshlar harbiylarning jangovar ko‘rgazmali chiqishlari, harbiy texnikalar, qurol-yarog‘lar bilan yaqindan tanishish, ularning ichki ko‘rinishini, asl namunalarini o‘z ko‘zi bilan ko‘rish imkoniga ega bo‘ldi.
Shundan so‘ng, 100 dan ortiq zamonaviy harbiy-jangovar texnika viloyatning turli hududlaridagi harbiy qismlarga yo‘l oldi.
Izoh (0)