Farg‘ona viloyati Oltiariq tumanidagi “Nurli obod” fermer xo‘jaligi rahbari Lola Murotova Prezident Shavkat Mirziyoyevning 2019-yil 28-avgustdagi farmoniga muvofiq, O‘zbekiston Qahramoni unvoni bilan taqdirlangan edi. Sentabrda esa Lola Murotova Qo‘qonda bo‘lgan Xalqaro hunarmandchilik festivalida O‘zbekiston birinchi xonimi Ziroatxon Mirziyoyeva bilan uchrashgani haqida xabar berilgan edi.
Mavzuga doir: Ziroatxon Mirziyoyeva Qo‘qonda O‘zbekiston Qahramoni Lola Murotova bilan uchrashdi (foto)
Farg‘ona viloyatida bo‘layotgan bunyodkorlik ishlari bilan yaqindan tanishtirish maqsadida uyushtirilgan press-tur doirasida 25-oktabr kuni bir guruh jurnalistlar viloyat hokimi Shuhrat G‘aniyev bilan birga Oltiariqdagi “Nurli obod” fermer xo‘jaligida bo‘lib, Lola Murotova bilan uchrashdi. Qahramon ayol “Daryo” muxbiri bilan suhbatda O‘zbekiston birinchi xonimi bilan uchrashuvda nimalar haqida gaplashishganini so‘zlab berdi.
U kishi bilan Qo‘qondagi festivalda, ko‘rgazmalarni tomosha qilayotganimizda ko‘rishdik. “Mana shunday fidoyi, vatanparvar onalarimiz borligidan faxrlanamiz, sizlar bizning onamizsizlar”, deb ko‘rishdik.Ma’lumot uchun, “Pravda Vostoka Onlayn”ning yozishicha, Lola Murotova 2018-yil yakunlariga ko‘ra paxtachilikdan 650 million so‘mdan ortiq, g‘alladan 350 million so‘mga yaqin sof foyda olib, jami 1 milliard so‘m daromad olgan. “Jamoat ishlariga, o‘tadigan tadbirlarga opa hamma vaqt ulgurishim shart deydi”, — deb yozadi jurnalist Hamid Burhonov.“Sizlarning obro‘-e’tiborlaring barcha farzandlarimizga ham yuqsin, sizlarning yo‘llaringizni bersin”, deb niyat qildi. Yurtimizda bo‘layotgan bunyodkorlik, obodonchilik ishlari haqida gaplashdik.
Lola Murotova, O‘zbekiston Qahramoni
Izoh (0)