Galaktikamizda o‘zga sayyoraliklar mavjud emas. SpaceX rahbari Ilon Mask to‘liq yig‘ilgan ilk Starship raketasi taqdimotida shunday fikr bildirdi, deya xabar berdi “RIA Novosti”.
SpaceX rahbariga ko‘ra, harbiylar o‘zga sayyoraliklarni yashiradigan “51-zona” haqidagi gap-so‘zlar ommalashgan memdan bo‘lak narsa emas.
“Bilishimcha, biz yagona aqlli tirik mavjudot bo‘lsak kerak. Balki boshqa joylarda hayot bordir, lekin uning alomatlarini ko‘rmadik. O‘zga sayyoraliklar haqida so‘rasangiz, ular bor-yo‘qligini o‘zim ham bilishni istardim”, — dedi Ilon Mask.Ilon Mask koinot va o‘zga sayyoralarni tezroq zabt etishga da’vat etib, Quyosh Yer sayyorasini butkul vayron qilishiga “atigi 700 million yil” qolganini eslatib o‘tdi.
Izoh (0)