Chexiyaning Smartwings loukosteriga tegishli Boeing 737 samolyoti bitta dvigatelda Gretsiyaning Samos orolidan Pragaga parvoz qildi, deb xabar beradi “Korrespondent.net”.
Samolyot havoga endi ko‘tarilib, Egey dengizi uzra parvozni boshlaganida uning bitta motori ishdan chiqqan. Ekipaj komandiri Samos oroliga qaytmaslik qarorini qabul qilgan.
Shundan so‘ng, samolyot balandlikni kamaytirib, 2,5 soat uchgan holda Pragaga kelib qo‘ngan. Uning bortida bo‘lgan 170 nafar yo‘lovchi texnik nosozlikdan bexabar bo‘lgan.
Chexiya fuqarolik aviatsiyasi boshqarmasi samolyot motorining ishdan chiqishi bo‘yicha holatni tergov qilmoqda va ekipaj komandiri nima sababdan favqulodda qo‘nishni amalga oshirmaganini aniqlash niyatida.
Idora ekspertlarining so‘zlariga ko‘ra, Smartwings yo‘lovchilar aviatashuvi xavfsizligini qo‘pol ravishda buzgan.
Izoh (0)