AQSh prezidenti Donald Tramp mamlakatning sobiq prezidenti Barak Obamada Qrimning Rossiyaga qo‘shib olinishini to‘xtatish imkoni mavjud bo‘lganligini ma’lum qildi, deb xabar beradi “RBK”.
“Obamani aldashdi. U har qanday usul bilan Qrimning qo‘shib olinishini to‘xtatishi mumkin edi”, — deydi AQSh yetakchisi G8 sammitining yakuniga bag‘ishlangan matbuot anjumanida.
Avvalroq, Donald Tramp o‘zidan oldingi prezident Rossiyani G8’dan chiqarib yuborishga harakat qilgani haqida gapirgan edi. “Taxminimcha, prezident Obama Rossiyaning G8’da bo‘lishini yaxshilikka emas deb hisoblagan”, — deydi Tramp.
2017-yilda Tramp Obamani Rossiyaning kuchayib ketishida ham ayblagan edi. “Sakkiz yil davomida Rossiya Obamadan oldinga o‘tib, yanada kuchli bo‘lib oldi. Natijada Qrimni qo‘lga kiritdi va raketalari sonini ko‘paytirdi”, — degan edi AQSh yetakchisi.
Qrim 2014-yilda mahalliy aholi o‘rtasida o‘tkazilgan referendumdan so‘ng Rossiya tarkibiga qo‘shilgan edi.
Izoh (0)