Fransiya prezidenti bilan uchrashuvda oyog‘ini stol ustiga qo‘ygan Boris Jonson keskin tanqidlarga uchradi (video)
Buyuk Britaniya bosh vaziri Boris Jonson Fransiya prezidenti Emmanuel Makron bilan Yelisey saroyida bo‘lib o‘tgan uchrashuv vaqtida oyog‘ini stol ustiga qo‘ydi, deb xabar beradi Business Insider.
Britaniya hukumati rahbarining ushbu harakati ijtimoiy tarmoqlarda keskin bahs-munozaralarga sabab bo‘ldi. Xususan, Jonsonning biografi Sonya Pernell uning qilig‘ini “qo‘pol va uyatli” deb atadi. “Tasavvur qiling, Makron oyog‘ini Bukingem saroyidagi stolga qo‘ysa”, — deb yozadi Pernell.
WATCH: Here’s the Reuters video of Boris Johnson putting his foot on the Elysee furniture. It seems President Macron was making small talk suggesting the table would work equally well as a footstool should the PM want to recline, which Johnson then jokingly does pic.twitter.com/dnv37t9mS4
— Tom Rayner (@RaynerSkyNews) August 22, 2019
Sky News muxbirining yozishicha, bosh vazir bu orqali shunchaki hazillashgan. “Makron stoldan oyoq qo‘yish uchun ham foydalanish mumkinligini taklif qilgan, Jonson esa hazillashib, buni amalga oshirgan”, deb yozadi muxbir.
