Chimkentda inson organlari va tibbiyot chiqindilari ko‘chada yoqilayotgani ma’lum bo‘ldi

Chimkentda xususiy kompaniya inson organlari va tibbiyot chiqindilarini ko‘chada yoqqani ma’lum bo‘ldi, deb xabar beradi “Zakon.kz”.

Hozirda zararli chiqindilarni daryo yaqinida yo‘q qilishga uringan “Ekolayf” tashkiloti xodimlari qo‘lga olingan. Tashkilot uzoq yillardan buyon bu ish bilan shug‘ullanib keladi, biroq zararli chiqindilarning tashlaganligi uchun doim jarima bilan qutilib qolgan.

Ayni kunlarda Chimkentda ekologiyaga zarar yetkazayotganlarni qo‘lga olish bo‘yicha haqiqiy operatsiya boshlangan. Kuni kecha xususiy tashkilotning bir guruh xodimlari zararli chiqindilarni yoqayotganida qo‘lga olingan. Mutaxassislarning ta’kidlashicha, shpritslar, ampulalar orasidan inson organi saqlanadigan plastik butilkalar ham topilgan.

“Ekolayf Astana” tashkiloti chiqindilarni o‘zining maxsus pechida yo‘q qilishi kerak bo‘lgan. Biroq toksik chiqindilarni o‘zganing obyektida yo‘q qilib kelgan. Ayrim hollarda esa ochiq hududda ham yoqib yuborilgan.

Politsiya mazkur holat bo‘yicha tergov ishlarini boshlagan. Ekologlar bu safar faqatgina jarima bilan kifoyalanib qolishmoqchi emas. Xususiy kompaniya ustidan sudga shikoyat arizasi kiritilgan.