Bugun,

  • USD 11095.31
  • RUB 173.84
  • EUR 10772.44

Prezident maktablari boshqa maktablar uchun andaza bo‘lishi, ta’lim muhitini o‘zgartirishi kerak. Bu haqda davlat rahbari Nukus shahrida qurilayotgan Prezident maktabi bilan tanishish chog‘ida aytib o‘tdi.

Foto: Prezident matbuot xizmati

Foto: Prezident matbuot xizmati

Shavkat Mirziyoyev Prezident maktablarini tashkil etish tashabbusini o‘tgan yili aynan Nukusda e’lon qilgan, buni Qoraqalpog‘istondan boshlashni taklif etgan edi.

Nukus shahrida ushbu maktab qurilishi jadal olib borilmoqda. Kembrij universiteti bilan hamkorlikdagi Imtihon kengashi tomonidan o‘tkazilgan qabul jarayonlarida bilimga chanqoq bolalar tanlab olindi.

Foto: Prezident matbuot xizmati

Foto: Prezident matbuot xizmati

Shavkat Mirziyoyev maktabning binosi ham, ma’rifati ham mukammal bo‘lishi kerakligi, shuning uchun uni shoshmasdan, sifatli qurib, Konstitutsiya bayramida foydalanishga topshirish zarurligini ta’kidladi. Ungacha o‘quvchilar boshqa binoda o‘qib turadi.

Davlat rahbari mazkur bilim dargohi uchun pedagoglar qanday tanlanayotgani bilan qiziqdi.

Foto: Prezident matbuot xizmati

Foto: Prezident matbuot xizmati

— Bu maktablarning o‘qituvchisi ham, o‘quvchisi ham eng namunali bo‘lishi lozim. Chuqur bilim bilan birga ma’naviyat, vatanparvarlik hissi ham singdirilishi zarur. Bu yerga bilimli bolalar kelishi uchun har bir tumanda bazaviy bog‘cha va maktablar shakllanishi lozim. Shunda umumiy bilim, saviya, ta’lim muhiti o‘zgaradi, — dedi Prezident.

Izoh
Asosiy yangiliklar
Mahalliy
O‘zbekistonda energetika tizimida qayta tiklanuvchi energiya salohiyatiga tayaniladi
Mahalliy
Toshkentda xizmatlar sohasini rivojlantirish uchun 20 trln soʻm kredit ajratiladi
Mahalliy
Shavkat Mirziyoyev Sergelidagi mahalla aholisi bilan muloqot qildi