2019-yilning 19-avgust kuni soat 12:36 da Qashqadaryo viloyati Kitob tumani H.Olimjon nomidagi MFY Zilolbuloq ko‘chasida joylashgan 43-uyda yong‘in sodir bo‘layotganligi haqida yong‘in-qutqaruv xizmatiga xabar kelib tushgan. Bu haqda FVV matbuot xizmati xabar bermoqda.
Yong‘inga 3 ta yong‘in o‘chirish bo‘linmasi jalb etilgan. Voqea joyiga yetib borgan yong‘in o‘chiruvchilarning tezkor harakatlari natijasida yong‘in bartaraf etilgan. Yong‘in oqibatida yashash uyi va novvoyxonasining 60 kvadrat metr maydonda tomi va shift qismilari yonib zararlangan.
Hodisaning kelib chiqish sababi yuzasidan dastlabki surishtiruv ishlari olib borilganda novvoyxonada 50 kg maishiy gaz ballonning payvandlangan joyidan yorilishi natijasida gaz va havo arashmasining chaqnashi yuzaga kelib, yong‘inga sabab bo‘lgan.
Bundan tashqari, chaqnash oqibatida novvoyxonada bo‘lgan 1994-y.t. fuqaro T.S., 1999-y.t. fuqaro B.M., 1994-y.t. fuqaro O.R. va 2000-y.t. fuqaro N.J. kuyish tan jarohati olib, shifoxonaga olib ketilganligi ma’lum bo‘lgan.
Shifoxonaning jonlantirish bo‘limida 2000-y.t. fuqaro N.J. vafot etgan. Hodisa yuzasidan tergovga qadar tekshiruv ishlari tuman prokuraturasi tomonidan olib bormoqda.
Izoh (0)