Jizzaxda Nexia va Cobalt yuzma-yuz to‘qnashdi. YTH oqibatida 5 kishi halok bo‘ldi (video)

13-avgust kuni Jizzax viloyatining Forish tumanida Nexia va Cobalt avtomobillari yuzma-yuz to‘qnashib ketdi. Bu haqda “Sevimli” telekanalining “Zamon” informatsion dasturida xabar berildi.

Yo‘l-transport hodisasi oqibatida Cobalt haydovchisi va yo‘lovchisi voqea joyida vafot etgan. Nexia haydovchisi va ikki nafar yo‘lovchisi ko‘rsatilgan tibbiy muolajalarga qaramay tuman tibbiyot birlashmasining jonlantirish bo‘limida hayotdan ko‘z yumgan.

Nexia’ning yana ikki nafar yo‘lovchisi tuman tibbiyot birlashmasining jonlantirish bo‘limiga yotqizilgan.