Tojikiston Oliy sudi Xo‘jand koloniyasida sodir bo‘lgan tartibsizlikni uyushtirishda gumon qilinganlarning jinoiy ishini yopiq tarzda ko‘rib chiqdi va hukumat tomonidan tashkilotchilardan biri deb topilgan Amirali Davlatov umrbod qamoq jazosiga hukm qilindi. Bu haqda “Asia-Plus” xabar berdi.
Foto: “Rferl”
Rasmiy ma’lumotlarga ko‘ra, Xo‘janddagi jazoni ijro etish koloniyasida 2018-yilning 8-noyabriga o‘tar kechasi sodir bo‘lgan hujumda 21 nafar mahkum halok bo‘lgan. Hujumda, shuningdek, qamoqxona xodimining 2 nafari o‘ldirilgan, 5 nafar qo‘riqchi og‘ir jarohatlangan.
Hujumda ishtirok etgan Amirali Davlatov va boshqa 32 nafar mahkumga nisbatan sud hukmi iyul oxirida chiqqan, lekin Oliy sud tomonidan oshkor etilmagan. Hujumning boshqa ishtirokchilariga qanday jazo tayinlangani ham sir saqlanmoqda.
