“Aziza Umarova yaqinda ijtimoiy tarmoqlardagi trollar haqida yozgandi. Bugun ularning butun boshli armiyasi, mubolag‘a bo‘lmasin, rotasiga duch keldim”. Iqtisodchi Yuliy Yusupov Facebook’dagi sahifasida shu so‘zlar bilan boshlanuvchi post qoldirgan.
Yusupovga ko‘ra, ulardan biriga tasodifan duch kelgan. Trollning shu paytgacha mudroq bo‘lgan sahifasi Zafar Hoshimovga nisbatan kompaniya payti faollashib, “Siz xalq dushmanisiz, valyuta ishlab topishni emas, faqat sarflashni bilasiz” qabilidagi ahmoqona izohlar qoldirgan.
“Endi bo‘lsa aviatashuvlar sektoridagi vaziyat yuzasidan muhokamalar bilan o‘zini ko‘rsatdi. Kommentlarining mazmuni: jonajon milliy aviakompaniyamizga bo‘hton uchun siz sotqin liberallarga qancha to‘lashdi?
Biroq eng qizig‘i trollimizning do‘stlari ro‘yxati. 80 ta akkaunt va biror tirik odam yo‘q (xususan, O‘zbekistondan). Garchi u Toshkentdan ekanligini da’vo qilayotgan bo‘lsa ham. Uning barcha do‘stlari ham trollar ko‘rinadi. Butun boshli fabrika”, — deya yozadi Yuliy Yusupov.
Izoh (0)