«Азиза Умарова яқинда ижтимоий тармоқлардаги троллар ҳақида ёзганди. Бугун уларнинг бутун бошли армияси, муболаға бўлмасин, ротасига дуч келдим». Иқтисодчи Юлий Юсупов Facebook’даги саҳифасида шу сўзлар билан бошланувчи пост қолдирган.
Юсуповга кўра, улардан бирига тасодифан дуч келган. Троллнинг шу пайтгача мудроқ бўлган саҳифаси Зафар Ҳошимовга нисбатан компания пайти фаоллашиб, «Сиз халқ душманисиз, валюта ишлаб топишни эмас, фақат сарфлашни биласиз» қабилидаги аҳмоқона изоҳлар қолдирган.
«Энди бўлса авиаташувлар секторидаги вазият юзасидан муҳокамалар билан ўзини кўрсатди. Комментларининг мазмуни: жонажон миллий авиакомпаниямизга бўҳтон учун сиз сотқин либералларга қанча тўлашди?
Бироқ энг қизиғи троллимизнинг дўстлари рўйхати. 80 та аккаунт ва бирор тирик одам йўқ (хусусан, Ўзбекистондан). Гарчи у Тошкентдан эканлигини даъво қилаётган бўлса ҳам. Унинг барча дўстлари ҳам троллар кўринади. Бутун бошли фабрика», — дея ёзади Юлий Юсупов.
Изоҳ (0)