Interpol va mahalliy politsiya Urugvayda italiyalik mashhur narkobaron Rokko Morabitoning qochib ketishiga yordam berganlikda gumonlanayotgan Rossiya fuqarolarini qo‘lga oldi. Bu haqda “RIA Novosti” xabar berdi.
Dastlabki ma’lumotlarga ko‘ra, umumiy hisobda rossiyalik ikki fuqaro va bir nafar italiyalik qo‘lga olingan. Ular Morabitoning 23-iyunda qamoqdan qochishiga aloqador deb gumonlanmoqda. Gumonlanuvchilar ertalab ularga qarashli deb taxmin qilinayotgan pitssaxonada qo‘lga olingan. Morabitoning o‘zi esa u yerdan topilmagan.
Italiyaning “Ndrangeta” mafiya tashkilotining eng ko‘p qidirilayotgan a’zosi hisoblangan Morabito 20 yildan buyon suddan yashirinib yurgan edi. U 2017-yilda Urugvayda qo‘lga olingan va shundan buyon Italiyaga ekstradatsiya qilinishini kutayotgandi. Iyun oxirida esa u qamoqxonadan qochgani ma’lum bo‘ldi.
Morabito ko‘p miqdordagi giyohvand moddalar savdosi bilan shug‘ullanishda ayblanib, 1995-yildan buyon Interpol tomonidan qidiruvda bo‘lgan. 1992 va 1993-yillarda “Ndrangeta” rahbarlaridan biri Italiyaga bir tonnadan ortiq kokain olib o‘tishga uringan.
U Urugvayda 13 yildan ortiq vaqt davomida Braziliya fuqarosi soxta pasporti bilan yashagan. Morabito kollejdagi qiziga yuborgan xatida ehtiyotsiz oqibatida o‘zning haqiqiy ismini yozib yuborganidagi so‘ng politsiya uni topishga muvaffaq bo‘lgan.
“Kokain qiroli” hibsga olinayotganda undan to‘pponcha, 13 ta mobil telefon va o‘nlab bank kartalari musodara qilingan.
Izoh (0)