Rossiya hukumati raisining o‘rinbosari Olga Golodes O‘zbekiston bosh vaziri Abdulla Aripov bilan “Xalq xo‘jaligi yutuqlari ko‘rgazmasi” majmuasida joylashgan, hozirda restavratsiya ishlari olib borilayotgan №66 pavilyonni borib ko‘rdi, deb xabar beradi UzDaily.
2019-yilning 30-may kuni Rossiya va O‘zbekiston vakillari “Xalq xo‘jaligi yutuqlari ko‘rgazmasi”da O‘zbekiston ko‘rgazma-madaniy markazini yaratish to‘g‘risidagi kelishuvni imzolagan edi. Pavilyon va unga tegishli yer uchastkasi O‘zbekiston tomoniga 49 yilga ijaraga berilgan.
“O‘zbekiston ushbu pavilyonning ochilishiga alohida e’tibor qaratmoqda. Bu juda ajoyib pavilyon. U O‘zbekistonning ruhi va muhitini ifodalaydi”, — deydi Olga Golodes.
Pavilyon O‘zbekistonga joriy yilning oktabrida topshirilishi rejalashtirilgan.
№66 pavilyoni 1951—1954-yillarda o‘zbek milliy arxitektura namunalari asosida bunyod etilgan.
Izoh (0)