Davlat bojxona qo‘mitasi O‘zbekiston chegara-bojxona postlari orqali harakatlangan avtotransport vositalarining bojxona rasmiylashtiruvi bo‘yicha sarflangan o‘rtacha vaqt yuzasidan joriy yilning iyun oyi natijalarini chegara bojxona postlari kesimida e’lon qildi, deb xabar beradi “Gazeta.uz”.
Avtobuslar qaysi chegara-bojxona postida bojxonadan tezroq o‘tishgan?
Chegara-bojxona postlari orqali iyun oyi davomida 4019 ta avtobus harakatlangan va ularning bojxona rasmiylashtiruvi uchun o‘rtacha 1 soat 11 daqiqa 4 soniya sarflangan.
- 1-o‘rin. “Farg‘ona” chegara-bojxona posti — 54 daqiqa. 957 marotaba avtobuslar o‘tib qaytgan;
- 2-o‘rin. “Qarshi—Kerki” chegara-bojxona posti — 3 soat 37 daqiqa. 172 ta avtobus o‘tib qaytgan;
- 3-o‘rin. “G‘ishtko‘prik” chegara-bojxona posti — 4 soat 3 daqiqa. 1139 ta avtobus o‘tib qaytgan va bu ko‘rsatkich boshqa postlarga nisbatan eng ko‘p hisoblanadi.
Chegara-bojxona postlari orqali iyun oyi davomida 78 023 ta yengil avtomobil harakatlangan va ularning bojxona rasmiylashtiruvi uchun o‘rtacha 12 daqiqa 42 soniya sarflangan.
- 1-o‘rin. “Farg‘ona” chegara-bojxona posti — 56 daqiqa. 27693 ta yengil avtomobil o‘tib qaytgan va bu ko‘rsatkich boshqa postlarga nisbatan eng ko‘p hisoblanadi;
- 2-o‘rin. “Qarshi—Kerki” chegara-bojxona posti — 3 soat 8 daqiqa. 181 ta yengil avtomobil o‘tib qaytgan;
- 3-o‘rin. “Andarxon” chegara-bojxona posti — 4 soat 49 daqiqa. 1871 ta yengil avtomobil o‘tib qaytgan.
Chegara-bojxona postlari orqali iyun oyi davomida 46 943 ta yuk avtotransport vositasi harakatlangan va ularning bojxona rasmiylashtiruvi uchun o‘rtacha 19 daqiqa 31 soniya sarflangan.
- 1-o‘rin. “Farg‘ona” chegara-bojxona posti — 1 soat 3 daqiqa. 5056 ta yuk avtotransport vositalari o‘tib qaytgan;
- 2-o‘rin. “Qarshi—Kerki” chegara-bojxona posti — 3 soat. 340 ta yuk avtotransport vositalari o‘tib qaytgan;
- 3-o‘rin. “G‘ishtko‘prik” chegara-bojxona posti — 3 soat 29 daqiqa. 36 ta yuk avtotransport vositalari o‘tib qaytgan.
Izoh (0)