Чегарада транспорт воситаларининг божхона расмийлаштирувига қанча вақт сарфлаётгани маълум бўлди

Давлат божхона қўмитаси Ўзбекистон чегара-божхона постлари орқали ҳаракатланган автотранспорт воситаларининг божхона расмийлаштируви бўйича сарфланган ўртача вақт юзасидан жорий йилнинг июнь ойи натижаларини чегара божхона постлари кесимида эълон қилди, деб хабар беради «Газета.uz».

Автобуслар қайси чегара-божхона постида божхонадан тезроқ ўтишган?

Чегара-божхона постлари орқали июнь ойи давомида 4019 та автобус ҳаракатланган ва уларнинг божхона расмийлаштируви учун ўртача 1 соат 11 дақиқа 4 сония сарфланган.

• 1-ўрин. «Фарғона» чегара-божхона пости — 54 дақиқа. 957 маротаба автобуслар ўтиб қайтган;
• 2-ўрин. «Қарши—Керки» чегара-божхона пости — 3 соат 37 дақиқа. 172 та автобус ўтиб қайтган;
• 3-ўрин. «Ғишткўприк» чегара-божхона пости — 4 соат 3 дақиқа. 1139 та автобус ўтиб қайтган ва бу кўрсаткич бошқа постларга нисбатан энг кўп ҳисобланади.

Чегара-божхона постлари орқали июнь ойи давомида 78 023 та енгил автомобиль ҳаракатланган ва уларнинг божхона расмийлаштируви учун ўртача 12 дақиқа 42 сония сарфланган.

• 1-ўрин. «Фарғона» чегара-божхона пости — 56 дақиқа. 27693 та енгил автомобиль ўтиб қайтган ва бу кўрсаткич бошқа постларга нисбатан энг кўп ҳисобланади;
• 2-ўрин. «Қарши—Керки» чегара-божхона пости — 3 соат 8 дақиқа. 181 та енгил автомобиль ўтиб қайтган;
• 3-ўрин. «Андархон» чегара-божхона пости — 4 соат 49 дақиқа. 1871 та енгил автомобиль ўтиб қайтган.

Чегара-божхона постлари орқали июнь ойи давомида 46 943 та юк автотранспорт воситаси ҳаракатланган ва уларнинг божхона расмийлаштируви учун ўртача 19 дақиқа 31 сония сарфланган.

• 1-ўрин. «Фарғона» чегара-божхона пости — 1 соат 3 дақиқа. 5056 та юк автотранспорт воситалари ўтиб қайтган;
• 2-ўрин. «Қарши—Керки» чегара-божхона пости — 3 соат. 340 та юк автотранспорт воситалари ўтиб қайтган;
• 3-ўрин. «Ғишткўприк» чегара-божхона пости — 3 соат 29 дақиқа. 36 та юк автотранспорт воситалари ўтиб қайтган.