Futbol bo‘yicha O‘zbekiston Liga Kubogining 2-turi doirasida 3-iyul, chorshanba kuni 4 ta uchrashuv bo‘lib o‘tdi.
Samvel Babayan qo‘l ostidagi Toshkentning “Lokomotiv” klubi safarda “Qo‘qon-1912” klubi bilan bellashdi.
Uchrashuv davomida mezbon jamoa vakillari Javohir Esonqulov (11, 65) hamda Quvondiq Ro‘ziyev (88, 90) raqib darvozasini 2 martadan ishg‘ol qildi.
Shu tariqa “temiryo‘lchilar” mehmonda kechgan bahsda o‘z darvozasidan javobsiz 4 ta to‘p olib chiqdi va “Qo‘qon-1912”ga yirik hisobda mag‘lub bo‘ldi (0:4).
Shu kuni Termizning “Surxon” klubi o‘z maydonida G‘uzorning “Sho‘rtan” jamoasini qabul qildi.
O‘yinda termizliklar himoyachisi Ubaydullo Xoliqulovning 14-daqiqada urgan goliga g‘uzorliklar Jasur Xolto‘rayev (49, 75, 86 90+2) va Sherzod Temirovning (53, penalti) gollari bilan javob qaytardi.
Bellashuv yakuniga ko‘ra “Surxon” musobaqaning 2-turida “Sho‘rtan”ga 1:5 hisobida mag‘lub bo‘ldi.
Ro‘ziqul Berdiyev boshliq Qarshining “Nasaf” klubi “Andijon” mehmoni bo‘ldi.
Uchrashuvdagi yagona golga Andijon klubi yarim himoyachisi Dilshod Rahmatullayev 90+1-daqiqada mualliflik qildi.
Shunday qilib qarshiliklar safarda “Andijon”ga kichik hisobda imkoniyatni boy berib qo‘ydi (0:1).
Bellashuv davomida “sherlar” a’zolari Humoyunmirzo Iminov (42) va Igor Sergeyev (71) tomonidan kiritilgan gollarga Buxoro klubi hujumchi Andrey Sidorovning (89) goli bilan javob qaytardi.
Bahs yakuniga ko‘ra, toshkentliklar “Buxoro”ni 2:1 hisobida mag‘lubiyatga uchratdi.
O‘zbekiston Liga Kubogi
2-tur bahslari
3-iyul, chorshanba
“Qo‘qon-1912”—“Lokomotiv” 4:0
Gollar: 1:0 — 11 Javohir Esonqulov, 2:0 — 65 Javohir Esonqulov, 3:0 — 88 Quvondiq Ro‘ziyev, 4:0 — 90 Quvonqid Ro‘ziyev“Surxon”—“Sho‘rtan” 1:5
Gollar: 1:0 — 14 Ubaydullo Xoliqulov, 1:1 — 49 Jasur Xolto‘rayev, 1:2 — 53, penalti, Sherzod Temirov, 1:3 — 75 Jasur Xolto‘rayev, 1:4 — 86 Jasur Xolto‘rayev, 1:5 — 90+2 Jasur Xolto‘rayev“Andijon”—“Nasaf” 1:0
Gol: 1:0 — 90+1 Dilshod Rahmatullayev“Buxoro”—“Paxtakor” 1:2
Gol: 0:1 — 42 Humoyunmirzo Iminov, 0:2 — 71 Igor Sergeyev, 1:2 — 89 Andrey SidorovYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)