“Mikrokreditbank” 30-iyun — Yoshlar kuni munosabati bilan O‘zbekiston yoshlarini samimiy va qizg‘in muborakbod etadi.
Yoshlik — kamolot, ezgu orzular, balog‘at va navqironlik fasli bo‘lishi bilan birga, insonning eng pok tuyg‘ulari ijobatiga umid bog‘lab, o‘zni bunyodkorlik va yarituvchanlikka chog‘laydigan muazzam fasl hisoblanadi.
Mamlakatimiz aholisining salmoqli qismi yoshlar ekanligi, ular tashabbuslarining har tomonlama, birinchi navbatda iqtisodiy qo‘llab-quvvatlanayotgani kabi jihatlarni nazarda tutsak, bu borda barcha moliyaviy institutlar qatori “Mikrokreditbank”ning ham kamarbasta bo‘layotgani — biz uchun alohida faxrdir.
Yoshlarning sa’y-harakatlari, g‘ayrat-shijoati hamda intilishlari alal-oqibat yurt tinchligi, Vatan taraqqiyoti va el-yurtimiz farovonligiga xizmat qilmog‘iga shak-shubha yo‘q.
Aziz yoshlar!
Fursatdan foydalanib, “Yosh tadbirkorlar” kovorking markazlari hamda yoshlarning boshqa umidbaxsh loyihalarida bundan buyon ham Sizlarga madadkor va qo‘llab-quvvatlovchi sifatida xizmat qilish bizga alohida iftixor bag‘ishlaydi.
Siz — e’zozli yigit va qizlarimizni yana bir bor shukuhli ayyom bilan qutlagan holda, shijoatingiz va ma’naviy tafakkuringiz hech qachon so‘nmasligini tilaymiz!
Muhtaram Prezidentimizning Sizga yo‘llagan tabrigida ta’kidlanganidek, “Sizlar zamonaviy bilim va taraqqiyot cho‘qqilarini egallab, o‘z amaliy ishlaringiz, g‘ayrat-shijoatingiz bilan jonajon Vatanimizga munosib, sadoqatli farzandlar bo‘lasiz”.
Bu yo‘lda Sizga omadlar yor bo‘lsin!
Ehtirom bilan, “Mikrokreditbank” ATB jamoasi.
Izoh (0)