«Микрокредитбанк» 30 июнь — Ёшлар куни муносабати билан Ўзбекистон ёшларини самимий ва қизғин муборакбод этади.
Ёшлик — камолот, эзгу орзулар, балоғат ва навқиронлик фасли бўлиши билан бирга, инсоннинг энг пок туйғулари ижобатига умид боғлаб, ўзни бунёдкорлик ва яритувчанликка чоғлайдиган муаззам фасл ҳисобланади.
Мамлакатимиз аҳолисининг салмоқли қисми ёшлар эканлиги, улар ташаббусларининг ҳар томонлама, биринчи навбатда иқтисодий қўллаб-қувватланаётгани каби жиҳатларни назарда туцак, бу борда барча молиявий институтлар қатори «Микрокредитбанк»нинг ҳам камарбаста бўлаётгани — биз учун алоҳида фахрдир.
Ёшларнинг саъй-ҳаракатлари, ғайрат-шижоати ҳамда интилишлари алал-оқибат юрт тинчлиги, Ватан тараққиёти ва эл-юртимиз фаровонлигига хизмат қилмоғига шак-шубҳа йўқ.
Азиз ёшлар!
Фурсатдан фойдаланиб, «Ёш тадбиркорлар» коворкинг марказлари ҳамда ёшларнинг бошқа умидбахш лойиҳаларида бундан буён ҳам Сизларга мададкор ва қўллаб-қувватловчи сифатида хизмат қилиш бизга алоҳида ифтихор бағишлайди.
Сиз — эъзозли йигит ва қизларимизни яна бир бор шукуҳли айём билан қутлаган ҳолда, шижоатингиз ва маънавий тафаккурингиз ҳеч қачон сўнмаслигини тилаймиз!
Муҳтарам Президентимизнинг Сизга йўллаган табригида таъкидланганидек, «Сизлар замонавий билим ва тараққиёт чўққиларини эгаллаб, ўз амалий ишларингиз, ғайрат-шижоатингиз билан жонажон Ватанимизга муносиб, садоқатли фарзандлар бўласиз».
Бу йўлда Сизга омадлар ёр бўлсин!
Эҳтиром билан, «Микрокредитбанк» АТБ жамоаси.
Изоҳ (0)