Fotogalereya: Suratga olingan filmlardan “kesib tashlangan” aktyorlar

Bizning ko‘pchiligimiz bir qaror qabul qilib, keyin esa fikrimizdan qaytishimiz mumkin. Rejissorlar ham shunday: boshida g‘oya ajoyib ko‘rinadi, keyin esa kinolentadan kesib tashlagisi keladi. Ba’zan kesib tashlangan rol aktyorga shuhrat keltirishi mumkin (“Konstantin” filmidagi roli kesib tashlangan aktrisa kabi), ba’zan esa mashhurlik aktyorga ushbu rolni o‘ynashiga yo‘l qo‘ymaydi. AdMe ana shunday lavhalarga e’tibor qaratdi.

Tobi Maguayr va “Pinning hayoti”

“O‘rgimchak-odam” filmidan keyin mashhur bo‘lib ketgan aktyor kunlardan bir kun rejissor Eng Lining “Pining hayoti” filmida rol o‘ynash uchun taklif oladi. Syujet bo‘yicha, bosh qahramon (Maguayr emas) kema halokatidan qutqarib qolingani haqidagi hikoyasini yozuvchiga (avvaliga Maguayr) aytib beradi.

Lekin Eng Li suratga olingan lavhani ko‘rib chiqib, Tobi garchi epizod rol o‘ynayotgan bo‘lsa ham, tomoshabinning asosiy e’tiborini o‘ziga tortib olayotganini sezib qoladi. Maguayr ham uning fikrini tasdiqlaydi. Rejissor, o‘z o‘rnida, Tobi bilan kelgusida albatta birga ishlash istagi borligini aytadi. Mana shunday “reveranslar”dan so‘ng ish o‘z yo‘lida ketadi, tomoshabin esa yozuvchi rolida Reyf Spollni ko‘radi.

Kristofer Li va “Uzuklar hukmdori: Qirolning qaytishi”

Mashhur trilogiyaning asosiy antagonistlaridan biri Saruman “Uzuklar hukmdori”ning uchinchi qismida Piter Jeksondan avvalgi e’tiborni olmadi. Aktyor Kristofer Li keyinchalik intervyularidan birida rejissorning bu qarorini tushunmaganini aytgan. Lekin aktyor uni filmdan olib tashlashganidan emas, balki bu haqda avvalroq aytishmaganidan, faqatgina jurnalist va internet orqali xabar topganidan jahli chiqqan.

Mikki Rurk va “Nozik qizil chiziq”

Rejissor Terrens Malikdan xafa bo‘lgan aktyorlar talaygina. Gollivuda hatto “Agar Malik seni suratga olishga taklif qilsa, bu filmning so‘ngidagi yozuvlada o‘z ismingni ko‘rishingga kafolat bermaydi”, degan hazil ham yuradi. Misol uchun “Nozik qizil chiziq” filmini oladigan bo‘lsak, Malik Mikki Rurk ijro etgan lavhani filmdan kesib tashlagan.

Хаrrison Ford va “O‘zga sayyoralik”

Ushbu film ssenariysi ustida Spilberg “Indiana Jons” filmining suratga olish ishlari ketayotgan  payti ishlagan. Dubllar o‘rtasidagi tanaffus paytida, Ford turli poygalardan dam olayotganida rejissor ssenarist Melissa Metisonga syujetni aytib turadi. Keyinchalik bu ajoyib filmga aylanadi.  Aslida Melissa sevgilisi Xarrison Fordni oldiga kelgan bo‘ladi.

“O‘zga sayyorlaik”ning montaj ishlari final bosqichga yetganida Spilberg to‘satdan Ford ijro etgan epizod roli (asosiy qahramon o‘qiydigan maktabning oddiy direktori) Indiana Jons qahramonidan hayratlangan muxlislarning hafsalasini pir qilishi mumkinligini o‘ylab qoladi.