“Barselona” “Manchester Yunayted” himoyachisi Viktor Lindelyofga qiziqish bildirmoqda. Bu haqda Mundo Deportivo xabar berdi.
Kataloniya klubi de Ligt transferi amalga oshmagach, bor e’tiborini 24 yoshli o‘yinchiga qaratgan.
“Ko‘k-anorranglilar” rahbariyati shu oyda shvetsiyalik transferi yuzasidan bir necha bor “Yunayted” bilan aloqaga chiqqan. Biroq ingliz klubi Lindelyofni qo‘yib yubormoqchi emas.
Ma’lumot uchun, Viktor Lindelyof “qizil iblislar” safiga 2017-yilning yozida “Benfika”dan 35 million yevro evaziga kelib qo‘shilgandi.
Eslatib o‘tamiz, himoyachi 2018/19-yilgi mavsum Premyer ligada 30 ta uchrashuv o‘tkazib, 1 ta gol urdi hamda 2 ta golli uzatma berdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)