Gruziya Checheniston rahbari Ramzan Qodirovning Tbilisidagi tartibsizlik yuzaga kelishida G‘arbning roli haqida aytgan so‘zlariga qo‘shilmadi. Bu haqda “Gazeta.ru” xabar berdi.
Ushbu fikrlarni gruzin Strategiya va boshqaruv instituti rahbari Pyotr Mamradze e’lon qildi.
Uning aytishicha, Gruziya hukumati G‘arb davlatlari tomonidan har qanday aralashuvni qat’iyan rad etadi.
“Aksincha, G‘arb bunday harakatlardan mutlaqo mamnun emas. Men buni bilaman, chunki g‘arblik diplomatlar, olimlar va mutaxassislar bilan deyarli 30 yil davomida yaqin aloqada bo‘lganman”, — dedi Mamradze.
Avvalroq, Ramzan Qodirov Tbilisidagi voqealardan tashvishda ekani hamda gruzinlarga “Tbilisigacha bor-yo‘g‘i 200 kilometr” ekanini aytgani haqida xabar bergan edik.
Izoh (0)