Bugun,

  • USD 11095.31
  • RUB 173.84
  • EUR 10772.44

42 yoshli Larisa T. 4-iyun kuni voyaga yetmagan S.Ya., S.I. va A.G.larni mashinada urib yuborgan va natijada A.G. voqea joyida vafot etgan. Kecha, 6-iyun kuni 42 yoshli Larisa T.ga nisbatan O‘zbekiston Jinoyat kodeksining 266-moddasi 2-qismi (“Transport vositalari harakati yoki ulardan foydalanish xavfsizligi qoidalarini buzish”) bo‘yicha ayblov qo‘yildi. Bu haqda Toshkent shahar IIBB xabar berdi.

Foto: Toshkent shahar IIBB

Foto: Toshkent shahar IIBB

Yunusobod tumani Jinoiy ishlar bo‘yicha sudi Larisa T.ning uch nafar voyaga yetmagan farzandlari borligini va u oiladagi yagona boquvchi ekanligini, muqaddam sudlanmaganligini, doimiy turar joy va ish joyiga egaligini inobatga olgan holda unga nisbatan uy qamog‘i jazosini qo‘lladi ( O‘zbekiston Respublikasi Jinoyat protsessual kodeksining 242-1 moddasi).

Sud ayblanuvchi Larisa T.ga nisbatan quyidagi taqiqlar (cheklovlar) o‘rnatdi:

  1. Xat-xabar olish va jo‘natish (pensiya va ijtimoiy ta’minot, ta’lim va tibbiy muassasalardan, soliq to‘lovi va boshqa kommunal to‘lovlar, shuningdek, surishtiruv, tergov va sud organlari bilan bog‘liq xat-xabarlardan tashqari);
  2. Har qanday aloqa vositalaridan foydalanish va ular yordamida so‘zlashuvlar olib borish, zaruriyat yuzaga kelgan taqdirda, huquqni muhofaza qiluvchi organlarni, tez tibbiy yordamni, yong‘in xavfsizligi xizmatini, qutqaruv xizmatini va boshqa shoshilinch xizmatlarni chaqirish uchun telefon aloqasidan foydalanish huquqidan cheklanishi mumkin emas (O‘zbekiston Respublikasi JPK 242-1 moddasiga binoan, gumon qilinuvchi, ayblanuvchi yoki sudlanuvchi o‘z yashash joyidagi uy qamog‘ini ijro etish zimmasiga yuklatilgan Ichki ishlar organiga har bir shunday qo‘ng‘iroq haqida xabar beradi).
  3. Turar joyni soat 8:00 dan 19:00 gacha faqatgina ishga borish uchun tark etishi mumkin, bu haqda u uy qamog‘ini ijro etish zimmasiga yuklatilgan organga xabar berishi zarur. (Istisno: iste’mol mahsulotlarini, dori va boshqa zarur buyumlarni xarid qilish, kommunal xizmatlarni to‘lash – bular to‘g‘risida turar joy bo‘yicha ichki ishlar organi xabardor qilinishi shart).
Tergov davom etmoqda.

 

Izoh
Asosiy yangiliklar
Mahalliy
O‘tgan yili birja bozorlarimiz rekord darajada o‘sdi — Respublika valyuta birjasi
Mahalliy
Andijonda kredit mablag‘larini o‘zlashtirgan rahbarlarga jinoyat ishi qo‘zg‘atildi
Iqtisodiyot
“Rossiyaga qarshi eng yaxshi strategik javob”: Ukraina farmatsevtika kompaniyasi O‘zbekistondagi “Reka-Med”ni sotib oldi