Toshkent viloyati, Bo‘stonliq tumanidagi Cinara’s restorani auksionga qo‘yildi. Bu haqida E-ijro Auksion bergan ma’lumotga tayanib, Spot xabar berdi.
Bino 2 qavat va 19 xonadan iborat hamda suv va elektr ta’minotiga ega. Yer uchastkasining umumiy maydoni 0.250 gektar, binoning umumiy maydoni 958.39 kvadrat metr.
Obyekt iqtisodiy ishlar bo‘yicha sudlar tomonidan 2019-yil 1-martdagi qarori bo‘yicha kimoshdi savdosiga qo‘yildi. Auksion 14-iyun kuni bo‘lib o‘tadi, arizalar 12-iyungacha qabul qilinadi.
Restoran 6 milliard so‘mga baholangan, zakalat puli 300 million so‘mni tashkil etadi.
E-ijro Auksion — yagona elektron savdo maydonchasi bo‘lib, 2017-yil 1-sentabrdan boshlab mol-mulkni sotish bo‘yicha ochiq savdolar o‘tkaziladi.
Izoh (0)