AQShning Michigan shtati hukumati qotillik bo‘yicha soxta ayblov bilan qamoqda salkam 46 yil o‘tirgan mahkumga 1,5 million dollar tovon puli to‘laydigan bo‘ldi, deb xabar beradi Tengrinews.
Richard Fillips 1971-yilda qotillik bo‘yicha aybdor deb topilgan va umrbod qamoq jazosiga hukm etilgan. Unga nisbatan barcha ayblovlar 2018-yilning martida olib tashlangan. Shtat bosh prokurorining so‘zlariga ko‘ra, mahkumga nisbatan hukm asosiy guvohning yolg‘on ko‘rsatmalari asosida o‘qilgan.
Fillips AQSh tarixida qamoqda eng ko‘p o‘tirib, keyin oqlangan shaxsga aylandi. Mashhurlik unga rassomchilik bilan shug‘ullanishiga yordam berdi: Fillips tomonidan chizilgan suratlar endilikda “minglab dollar” turadi.
Izoh (0)