27-aprel kuni Toshkent shahar hokimligida yakka tartibdagi uy-joylar sifatida rasmiylashtirilgan ko‘p xonadonli uy-joylar qurilishi bo‘yicha uchrashuv bo‘lib o‘tdi. Poytaxt hokimi Jahongir Ortiqxo‘jayev uy quruvchilar tomonidan soliq qonunchiligi buzilganligini ta’kidladi, deb xabar beradi Soliq qo‘mitasi axborot xizmati.
Shahar ma’muriyati vakillarining ma’lum qilishicha, tadbirkorlar, oldi-sotdi shartnomalarida uy-joy narxini arzon ko‘rsatgan, firmani rasmiylashtirmay, kassa apparatisiz ishlagan, yuzlab kishilarni noqonuniy tarzda ishlatgan. Ular shuningdek, soliqdan bo‘yin tovlaganlikda ayblangan.
Davlat soliq organlari ushbu vaziyatni o‘rganmoqda. O‘rganishi natijalari jamoatchilikka e’lon qilinadi.
Izoh (0)