72 yoshli fransuz sayohatchisi Jan-Jak Saven Atlantika okeanini 450 kilogrammli bochka bilan suzib o‘tishga muvaffaq bo‘ldi, deya xabar beradi AFP.
Saven: “122 kun va to‘qqiz soat suzishdan so‘ng, men meridianni kesib o‘tdim va Karib dengizi akvatoriyasiga kirdim. Sayohat yakunlandi. Barchangizga katta rahmat!” — deya elektron maktub yo‘llagan.
Ayni paytda, Saven bochka ichida Florida qirg‘oqlari tomon oqim bo‘ylab suzmoqda.
Saven o‘z sayohatini o‘tgan yilning oxirida Kanar orollaridan boshlagan edi. U kelajakda Fransiya va Buyuk Britaniya o‘rtasidagi La-Mansh kanalidan mustaqil ravishda suzib o‘tishni rejalashtirmoqda.
Izoh (0)