72 ёшли француз саёҳатчиси Жан-Жак Савен Атлантика океанини 450 килограммли бочка билан сузиб ўтишга муваффақ бўлди, дея хабар беради AFP.
Савен: «122 кун ва тўққиз соат сузишдан сўнг, мен меридианни кесиб ўтдим ва Кариб денгизи акваториясига кирдим. Саёҳат якунланди. Барчангизга катта раҳмат!» — дея электрон мактуб йўллаган.
Айни пайтда, Савен бочка ичида Флорида қирғоқлари томон оқим бўйлаб сузмоқда.
Савен ўз саёҳатини ўтган йилнинг охирида Канар оролларидан бошлаган эди. У келажакда Франция ва Буюк Британия ўртасидаги Ла-Манш каналидан мустақил равишда сузиб ўтишни режалаштирмоқда.
Изоҳ (0)