23-aprel, seshanba kuni futbol bo‘yicha Ispaniya chempionatining 34-tur bahslariga start beriladi.
Musobaqa jadvalida yaqqol peshqadamlik qilayotgan Kataloniyaning “Barselona” klubi mehmonda “Alaves”ni sinovdan o‘tkazadi. Uchrashuv Toshkent vaqti bilan tungi soat 00:30 da boshlanadi.
Eslatib o‘tamiz, “ko‘k-anor ranglilar” avvalgi turda “Kamp Nou”da kechgan bahsda “Real Sosyedad”ni 2:1 hisobida mag‘lubiyatga uchratgandi.
24-aprel, chorshanba kuni Diyego Simeone qo‘l ostidagi Madridning “Atletiko” jamoasi o‘z maydonida “Valensiya”ni qabul qiladi. Bellashuvga soat 22:30 da start beriladi.
Ma’lumot uchun, “matraschilar” 33-turda “Eybar” ustidan Toma Lemarning kiritgan yagona goli evaziga g‘alaba qozongandi (1:0).
25-aprel, payshanba kuni turning oxirgi uchrashuvida musobaqa jadvalida 3-o‘rinda borayotgan Zinedin Zidan boshliq “Real Madrid” “Xetafe”ga qarshi maydonga tushadi. O‘yin soat 00:30 da boshlanishi belgilangan.
Ta’kidlash joiz, “Qirollik klubi” oxirgi turda “Atletik Bilbao”ni yirik hisobda yutgandi (3:0).
33-turdan so‘ng musobaqa jadvalidagi holat:
La Liga
34-tur bahslari
23-aprel, seshanba
“Ueska”—“Eybar” 22:30
“Valyadolid”—“Jirona” 23:30
“Alaves”—“Barselona” 00:30
24-aprel, chorshanba“Atletiko Madrid”—“Valensiya” 22:30
“Espanyol”—“Selta” 23:30
“Leganes”—“Atletik Bilbao” 23:30
“Levante”—“Betis” 00:30
25-aprel, payshanba“Sevilya”—“Rayo Valyekano” 22:30
“Real Sosyedad”—“Vilyarreal” 23:30
“Xetafe”—“Real Madrid” 00:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)