Namangan shahrining Islom Karimov shohko‘chasida Prezident maktabi qurilishiga tamal toshi qo‘yildi. Bu haqda “Namanganskaya pravda” xabar bermoqda.

Foto: “Namanganskaya pravda”

Maktab 2,5 gektar maydonda joylashadi. Bosh pudratchi—“Zafar qurilish servis” xususiy korxonasi tomonidan 2 ta o‘quv korpusi, basseynga ega gimnastika zali, futbol mini-stadioni, voleybol-basketbol maydoni, yotoqxona va mehmonxona barpo etiladi. Gulxonalar, o‘quv-tajriba uchastkalari bo‘ladi.

Prezident maktabiga qabul 4-sinf bitiruvchilari orasidan so‘ng mantiqiy fikrlash testlari, yozma imtihon va suhbat natijalariga ko‘ra amalga oshiriladi. Birinchi o‘quv yilida 5—10-sinflarning 144 nafar, keyinchalik esa har yili 24 nafardan o‘quvchi qabul qilinadi. Bir sinfda 12 nafardan o‘quvchi tahsil oladi.

Foto: “Namanganskaya pravda”

Namangan shahridagi Prezident maktabi joriy yil avgust oyida foydalanishga topshirilishi ko‘zda tutilgan.