Qashqadaryo viloyati Dehqonobod tumanida joylashgan katta avtomobil yo‘li kuchli yomg‘ir yog‘ishi oqibatida o‘pirilibdi tushdi. Ijtimoiy tarmoqlarda o‘pirilib tushgan yo‘l suratlari tarqaldi, deb yozadi “Xalq so‘zi”.

Foto: “Xalq so‘zi”

Qayd qilinishicha, mazkur voqea tumanning Oqrabot mahalla fuqarolar yig‘inida sodir bo‘lgan. Tog‘-adirliklardan iborat hududda kuchli yomg‘ir yog‘ishi natijasida yer yumshab, asfalt qoplangan yo‘l o‘pirilib ketgan.

Foto: “Xalq so‘zi”

Guvohlarning aytishicha, bu vaqtda yo‘lning mazkur qismida mashinalar harakatlanmagan. Shu boisdan hech qanday texnik vositalari va odamlar jabrlanmagan.

Foto: “Xalq so‘zi”

Eslatib o‘tamiz, oldinroq Qashqadaryoda kuchli yomg‘ir natijasida ko‘prik qulab tushgani, shuningdek Oqrabotdan o‘tuvchi poyezdi yo‘li ham cho‘kib, izdan chiqib ketgani haqida xabarlar tarqalgandi.