Isroil koinot qurilmasi Oyga qo‘nish chog‘ida halokatga uchradi

Isroilning SpaceIl kompaniyasiga tegishli “Bereshit” koinot zondi Oyga qo‘nish chog‘ida halokatga uchradi. Bu haqda Meduza xabar bermoqda.

Qo‘nish jarayonida qurilmaning asosiy dvigateli ishdan chiqdi, shundan so‘ng u Oy sathiga quladi.

“Bereshit” Oyga qo‘ndirish uchun mo‘ljallangan va xususiy investitsiyalar hisobiga qurilgan tarixdagi ilk apparat edi.

Ma’lumot uchun, shu paytga qadar Oy yuzasiga faqat SSSR, AQSh va Xitoy o‘z koinot qurilmalarini muvaffaqiyatli qo‘ndirgan.