“Mening fikrim” portalida “Ko‘zgusimon avtoraqamlar”ni ham auksion savdolarda sotilishini yo‘lga qo‘yish to‘g‘risida taklif bildirildi, deb xabar berdi UZ24.
Murojaat muallifining qayd etishicha, avtoraqamlar onlayn auksioni orqali “chiroyli raqamlar” savdosining yo‘lga qo‘yilishi bu sohada korrupsiya va tanish-bilishchilik kabi salbiy holatlarni sezilarli darajada pasaytirdi. Hozirda auksion savdolari orqali davlat budjetiga tushgan mablag‘lar xalq farovonligi uchun yo‘naltirilmoqda.
Biroq ba’zi “ko‘zgusimon raqamlar” (masalan, 717, 727, 747, 515, 171, 212, 383, 818 va boshqalar) nima uchundir auksion savdolariga joylashtirilmaydi. Mazkur nomerlar ham o‘ziga xos qiymatga ega bo‘lib, ko‘zga yoqadigan, chiroyli nomerlar sirasiga kiradi. Bunday raqamlarga talab juda yuqori bo‘lib, ularning eskicha berilishi turli korrupsion holatlarga olib kelyapti. Chet ellarda bunday raqamlar ham ochiq auksion orqali sotiladi.
“Aholining bunday raqamlarga bo‘lgan yuqori talabini inobatga olgan holda, ularni taxminan bir million so‘mdan boshlang‘ich narx bilan auksionga qo‘yish (ma’lumot uchun, 066 va 220 kabi raqamlarning boshlang‘ich bahosi 2 mln so‘mdan ortiqni tashkil qiladi) foydadan holi bo‘lmaydi. Bu orqali biz fuqarolarda chiroyli raqamlarni olishda qandaydir noqonuniy usullar emas, qonuniy tarzda qo‘lga kiritish imkoni yaratilardi”, — deb yozadi muallif.
Izoh (0)