2019-yil 18-mart kuni Qashqadaryo viloyatining Chiroqchi tumanida yashovchi T.D. Nexia rusumli avtomashinasini Beglamishsoy qishlog‘i hududida haydab ketayotgan vaqtida avtomashina yukxonasiga o‘rnatilgan 100 litr sig‘imli gaz balloni portlab ketdi. Bu haqda IIV jamoatchilik va OAV bilan aloqalar boshqarmasi xabar berdi.
Hodisa oqibatida haydovchi va uning yo‘lovchisi 37 yoshli Ғ.B. jarohat olib, kasalxonaga keltirilgan. Yo‘lovchi shu yerda hayotdan ko‘z yumgan.
Holat yuzasidan surishtiruv ishlari olib borilmoqda.
“Hurmatli haydovchilar, agar boshqaruvingizdagi avtomashinaga gaz ballonlari o‘rnatilgan bo‘lsa, ularning texnik soz holda ekanligiga muntazam e’tibor qarating. Chunki bu yuz berishi mumkin bo‘lgan baxtsiz hodisalar oldi olinishining kafolatidir”, deyiladi xabarda.
Izoh (0)