Samarqand ko‘chalarida yo‘l harakati belgilari ko‘rgazmaga qo‘yilganmi?

O‘zA Samarqand shahar markaziy ko‘chalarida na haydovchi va na piyodalar yo‘l harakati qoidalariga amal qilmasligi haqida maqola chop etdi va unga shahar ko‘chasidagi chorrahalar aks etgan suratlarni ilova qildi.

Suratlarda Mirzo Ulug‘bek ko‘chasidagi chorrahalardan lavhalar aks etgan. Unda avtotransport vositalari svetoforning harakatni taqiqlovchi chiroqlari yonib turgan bo‘lsa-da, yo‘lda bemalol davom etayotganini ko‘rish mumkin. Ular orasida jamoat, maxsus xizmatlar transport vositalari ham bor.

Ma’lum bo‘lishicha, ushbu ko‘cha o‘rtasidagi panjaralar olingandan buyon piyodalar avtotransport vositalari harakatlanayotganiga qaramay ko‘chaning duch kelgan joyidan o‘tib ketaveradi. Haydovchilar ham yo‘l belgilariga amal qilmaydi.