Donald Tramp AQSh Kongressiga Turkiya va Hindiston bilan imtiyozli savdo rejimini bekor qilish niyatida ekanligini bildirdi. Bu haqda “Vesti.ru” xabar berdi.
Xabarda aytilishicha, ushbu qaror bu ikki mamlakatlarning AQShga tovar eksport qilishida salbiy ta’sir ko‘rsatishi mumkin.
Hujjatda qayd etilishicha, Turkiya bo‘ycha bunday qaror mamlakat iqtisodiy rivojlanish darajasi asosida qabul qilingan. Donald Trampning so‘zlariga ko‘ra, Turkiya o‘tgan 45 yil davomida Umumiy tarif imtiyozlari tizimi doirasida imtiyoz olgan bo‘lib, buning natijasida mamlakat iqtisodiyoti sezilarli darajada o‘sgan va diversifikatsiyalangan, aholi jon boshiga to‘g‘ri keladigan daromadlar oshgan, qashshoqlik kamaygan, mamlakatlar va iqtisodiyot sektorlari bo‘yicha eksport diversifikatsiyasi ko‘tarilgan.
Hindistonni savdo imtiyozlaridan mahrum qilish qarorini esa Donald Tramp AQSh va Hindiston hukumati o‘rtasidagi faol hamkorlikdan so‘ng Hindiston davlatlar o‘rtasidagi kelishuvda nazarda tutilganidek AQShga mamlakat bozoriga teng va maqbul kirish imkonini berishga kafolat bermaganligi bilan izohlagan.
JST doirasidagi Umumiy tarif imtiyozlari tizimi rivojlanayotgan mamlakatlar uchun bir tomonlama savdo imtiyozlarini nazarda tutadi.
Izoh (0)