Дональд Трамп АҚШ Конгрессига Туркия ва Ҳиндистон билан имтиёзли савдо режимини бекор қилиш ниятида эканлигини билдирди. Бу ҳақда «Вести.ru» хабар берди.
Хабарда айтилишича, ушбу қарор бу икки мамлакатларнинг АҚШга товар экспорт қилишида салбий таъсир кўрсатиши мумкин.
Ҳужжатда қайд этилишича, Туркия бўйча бундай қарор мамлакат иқтисодий ривожланиш даражаси асосида қабул қилинган. Дональд Трампнинг сўзларига кўра, Туркия ўтган 45 йил давомида Умумий тариф имтиёзлари тизими доирасида имтиёз олган бўлиб, бунинг натижасида мамлакат иқтисодиёти сезиларли даражада ўсган ва диверсификацияланган, аҳоли жон бошига тўғри келадиган даромадлар ошган, қашшоқлик камайган, мамлакатлар ва иқтисодиёт секторлари бўйича экспорт диверсификацияси кўтарилган.
Ҳиндистонни савдо имтиёзларидан маҳрум қилиш қарорини эса Дональд Трамп АҚШ ва Ҳиндистон ҳукумати ўртасидаги фаол ҳамкорликдан сўнг Ҳиндистон давлатлар ўртасидаги келишувда назарда тутилганидек АҚШга мамлакат бозорига тенг ва мақбул кириш имконини беришга кафолат бермаганлиги билан изоҳлаган.
ЖСТ доирасидаги Умумий тариф имтиёзлари тизими ривожланаётган мамлакатлар учун бир томонлама савдо имтиёзларини назарда тутади.
Изоҳ (0)