Vladivostokda o‘zbekistonlik mehnat muhojiri avtomobilda 15 yashar o‘smirni urib yuborib, voqea joyidan yashirindi

Vladivostokda o‘zbekistonlik mehnat muhojiri avtomobilda o‘smirni urib yubordi. Bu haqda “Podrobno.uz” xabar bermoqda.

“Hodisa 12-fevral kuni ro‘y berdi. Toyota Prius haydovchisi o‘ngga burilish chog‘ida 15 yashar o‘smirni urib yubordi va shundan so‘ng YTH yuz bergan joydan yashirindi. Jabrdiyda oyoq sinishi bilan bilan kasalxonaga yotqizildi”, — deyiladi Rossiya IIVning Vladivostok bo‘yicha boshqarmasi xabarida.

Shahar avtoinspeksiyasi qidiruv guruhi tomonidan Toyota Prius haydovchisi qo‘lga olindi. U 38 yashar O‘zbekiston fuqarosi bo‘lib chiqdi. U haydovchilik guvohnomasidan mahrum etilgani, shuningdek, Rossiya hududida noqonuniy bo‘lib turgani aniqlandi. Hozirgi paytda u hibsga olingan.

Mazkur holat yuzasidan jinoyat ishi qo‘zg‘atilgan. O‘smir sog‘ligiga og‘ir shikast yetkazilgani bildirilmoqda.