Farg‘ona viloyati O‘zbekiston tumanining Shakarobod qishlog‘ida ming tupdan ortiq shaftoli gulladi. Bu haqda “Xalq so‘zi” nashri xabar berdi.
Ushbu ko‘chatlar fuqaro Muhiddin Nishonovning bog‘ida gullagan. U o‘zining “Barakali ota zamini” fermer xo‘jaligi yer maydonidagi issiqxonada 30 sotixli bog‘ tashkil qilgan.
“Bankdan fermer xo‘jaligi yerlaridan yanada samarali foydalanish va shu issiqxonani tashkil qilish uchun 184 million so‘m kredit olganmiz, Issiqxona shaklidagi bog‘da “Lola”, “Qiziljigar” kabi 7 xil ertapishar, noyob shaftoli navlarini parvarishlayapmiz. Issiqxona quyosh nuriga isiydi, hech qanday qo‘shimcha vositalardan foydalanmaymiz. May oyining boshidayoq respublikamizda eng birinchilardan bo‘lib 7 xil turdagi shaftoli mevasini mahalliy bozorlarga olib chiqamiz va eksportga yo‘naltiramiz”, — deydi M. Nishonov.
Izoh (0)