Buyuk Britaniyada 28 yoshli Jeyd Xarris qulog‘idan plastik o‘q olib tashlanguniga qadar o‘n bir yil garanglikdan aziyat chekkan, deya xabar beradi “Korrespondent”.
11 yil davomida Xarrisning bir qulog‘i deyarli eshitmagan. U o‘zini eshitmaganligi sababli baland ovozda gapirgan va televizorni ham baland ovozda eshitgan.
Ayol kasalxonaga qulog‘iga suv tushganidan so‘ng murojaat qilgan. Bir yo‘la shifokorlar uning chap qulog‘ini ham tekshirdi va unda yot jismni aniqladi.
Aniqlanishicha, o‘q o‘yinchoq to‘pponchaniki bo‘lib, ayol bolaligida o‘rtoqlari bilan o‘ynayotganida qulog‘iga kirib ketgan.
O‘q chiqarib olinganidan so‘ng Xarrisning eshitish qobiliyati to‘liq tiklangan.
Izoh (0)