2-fevral, shanba kuni futbol bo‘yicha Italiya A Seriyasining 22-tur bahslari doirasida 3 ta uchrashuv bo‘lib o‘tdi.
Karlo Anchelotti boshqaruvidagi “Napoli” klubi o‘z maydonida “Sampdoriya”ni qabul qildi.
1-bo‘limning 25-daqiqasida Arkadiush Milik Xose Kalyexon uzatmasini golga aylantirdi va hisobni ochdi (1:0). Oradan 1 daqiqa o‘tar-o‘tmas “Napoli” hujumchisi Lorenso Insinye hisobni 2:0 ko‘rinishiga olib keldi.
2-bo‘limning so‘nggi daqiqalarida Simone Verdi 11 metrlik jarima zarbasidan darvozani ishg‘ol qildi va hisobni yiriklashtirdi (3:0).
Shu tariqa “Napoli” klubi “Sampdoriya”ni mag‘lub etib, muhim 3 ochga ega bo‘ldi.
Shu kuni musobaqa jadvalida yetakchilik qilayotgan Turinning “Yuventus” klubi “Parma” bilan jang qildi.
Uchrashuvning 36-daqiqasida portugaliyalik hujumchi Krishtianu Ronaldu hisobni ochdi. Tomonlar 1:0 hisobida qisqa tanaffusga yo‘l oldi.
2-bo‘limning 62-daqiqasida Krishtianu Ronaldu uzatgan to‘pni Daniele Rugani “Parma” darvozasiga joylab qo‘ydi. Oradan ikki daqiqa o‘tib, Antonio Barilla hisobni qisqartirdi. Hech qancha vaqt o‘tmay Krishtianu Ronaldu jamoasining 3-goliga mualliflik qildi va dublga erishdi (3:1). 74-daqiqaga kelib, mehmon jamoa hujumchisi Jervinyo Mattia Perin qo‘riqlayotgan darvozaga gol kiritdi (3:2). Bellashuvning oxirgi daqiqalarida Jervinyo dubl qayd etib, jamaosini mag‘lubiyatdan qutqarib qoldi.
Shu tariqa jamoalar 1 ochkodan bo‘lishib oldi.
A Seriya
22-tur bahslari
2-fevral, shanba
“Empoli”—“Kyevo” 2:2
Gollar: 0:1 — 31 Jakkerini, 1:1 — 45 Kaputo, 1:2 — 45 Stempinskiy, 2:2 — 52 Kaputo.“Napoli”—“Sampdoriya” 3:0
Gollar: 1:0 — 25 Milik, 2:0 — 26 Insinye, 3:0 — 89, penalti, Verdi.“Yuventus”—“Parma” 3:3
Gollar: 1:0 — 36 Ronaldu, 2:0 — 62 Rugani, 2:1 — 64 Barilla, 3:1 — 66 Ronaldu, 3:2 — Jervinyo, 3:3 — 90 Jervinyo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)