Farg‘ona shahridagi Islom Karimov nomidagi teatr-konsert saroyida Birinchi Prezident tavallud kuniga bag‘ishlangan xotira kechasi o‘tkazildi. Bu haqda “Daryo”ga jurnalist Iqboljon Abdujabborov xabar berdi.
Tadbirda hokimlik, davlat va jamoat tashkilotlari vakillari, milliy-madaniy markazlar jamoalari, o‘quvchi va talabalar ishtirok etdi.
Xotira kechasida so‘zga chiqqanlar Islom Karimovning vatan ravnaqi, yurt tinchligi, xalq farovonligiga qo‘shgan hissasini qayd etib, uning hayoti va faoliyati yosh avlod uchun ibrat ekanligini ta’kidladi.
Kecha davomida Islom Karimov fondi tomonidan tayyorlangan kitob va jurnallar, znachoklar tarqatildi.
Tadbir oldidan tashkil etilgan fotoko‘rgazma ishtirokchilarda katta taassurot qoldirdi.
Birinchi Prezidentning tavallud sanasiga bag‘ishlangan madaniy-ma’rifiy tadbirlar viloyatdagi ta’lim muassasalari, harbiy qismlar, mehnat jamoalari va mahallalarda o‘tkazildi.
Izoh (0)