O‘zbekistonda ilk bor o‘tkazilgan umumxalq ekologik xayriya hasharida samarqandlik madaniyat va san’at xodimlari ham faol ishtirok etdi. Bu haqda “Zarnews” xabar berdi.
Teatrlar, bolalar musiqa va san’at maktablari, madaniyat va aholi dam olish markazlarida tozalash-obodonlashtirish ishlari amalga oshirildi. Madaniyat va istirohat bog‘lari hududi, ariqlar va yo‘laklar tartibga keltirildi.
Xayriya hashari, xususan, viloyatning Qo‘shrabot tumanida bunyod etilayotgan baxshi-shoir Ergash Jumanbulbul o‘g‘li uy-muzeyida uyushqoqlik bilan o‘tdi. Muzey hududi, baxshi-shoir haykali va maqbarasi atrofi tozalandi, muzeyning bog‘ qismidagi daraxtlarga shakl berilib, manzarali daraxt ko‘chatlari o‘tqazildi.
Izoh (0)