Toshkentdagi “Birodarlar qabristoni” memorial kompleksida “Mahalla” jamg‘armasi shahar bo‘limi tashabbusi bilan Leningradning fashistlar qamalidan ozod etilganining 75 yilligiga bag‘ishlagan marosim bo‘lib o‘tdi. Bu haqda Sputnik xabar bermoqda.
Marosimda so‘z olgan Milliy universitet o‘qituvchisi, tarix fanlari doktori Muzaffar Ortiqovga ko‘ra, Leningradni himoya qilishda ko‘plab o‘zbekistonliklar ishtirok etgan: birgina 115-diviziyaning o‘zida 178 nafar o‘zbekistonlik jangchi bo‘lgan.
2002-yilda Peterburgdagi Piskaryov qabristonida shaharni himoya qilib halok bo‘lgan o‘zbekistonlik askarlar sharafiga yodgorlik o‘rnatilgan. Bu yerda 7 mingga yaqin o‘zbekistonlik dafn etilgan.
Ma’lumot uchun, hozirda poytaxtda Leningrad qamalini boshidan kechirgan 27 kishi istiqomat qilmoqda.
Izoh (0)