26-yanvar, shanba kuni Germaniya chempionatining 19-tur bahslari doirasida 6 ta o‘yin bo‘lib o‘tdi.
Musobaqa jadvalida yaqqol peshqadamlik qilayotgan Dortmundning “Borussiya” klubi o‘z maydonida “Hannover”ni sinovdan o‘tkazdi.
Uchrashuvning 24-daqiqasida Ashraf Hakimi Rafael Gerreyru uzatmasini golga aylantirdi (1:0) va hisobni ochdi.
2-bo‘limning 60-daqiqasida esa Marko Roys raqib darvozasiga jamoasining ikkinchi golini urdi. Oradan 2 daqiqa o‘tib, Jeydon Sancho ikki nafar futbolchini aldadi va to‘pni Mario Gyotsega qulay tarzda oshirib berdi. Hujumchi bundan unumli foydalanib, darvozani ishg‘ol qildi (3:0).
67-daqiqada “Borussiya Dortmund” himoyachisi Rafael Gerreyru Mixael Esser qo‘riqlayotgan darvozaga to‘p kiritdi (4:0). 86-daqiqada esa “Hannover” klubi a’zosi Marvin Bakalorts jamoasining yagona goliga mualliflik qildi. Bellashuvning 90-daqiqalarida Aksel Vitselning uzoq masofadan chiroyli gol urib, o‘yinga yakuniy nuqtani qo‘ydi.
Ikkinchi uchrashuv Diyeter Heking boshqaruvidagi “Borussiya Myunxengladbax” va “Augsburg” qarshiligi ostida o‘tdi.
Uchrashuvning 78-daqiqasida Oskar Bendt hisobni ochgan bo‘lsa, 90-daqiqalarga kelib Patrik Hermann 2-golga mualliflik qildi.
Shu tariqa “Borussiya Myunxengladbax” o‘z maydonida “Augsburg” ustidan ishonchli g‘alabani qo‘lga kiritdi.
27-yanvar, yakshanba kuni Myunxenning “Bavariya” klubi musobaqa jadvalida xavfli hududda borayotgan (16-o‘rin) “Shtutgart” bilan bellashadi. To‘qnashuv 19:30 da start oladi.
Bundesliga
19-tur bahslari
26-yanvar, shanba
“Borussiya D”—“Hannover” 5:1
Gollar: 1:0 — 24 Hakimi, 2:0 — 60 Roys, 3:0 — 62 Gyotse, 4:0 — 67 Geeryru, 4:1 — 86 Bakalorts, 5:1 — 90 Vitsel.“Borussiya M”—“Augsburg” 2:0
Gollar: 1:0 — 78 Bendt, 2:0 — 90 Hermann.“Frayburg”—“Hoffenhaym” 2:4
Gollar: 0:1 — 19 Joelinton, 1:1 — 42 Holer, 1:2 — 59 Kramarich, 1:3 — 72 Kramarich, 2:3 — 77 Niderlexner, 2:4 — 85 Demirbay.“Maynts”—“Nyurnberg” 2:1
Gollar: 1:0 — 12 Brosinski, 1:1 — 43 Margreyter, 2:1 — 73 Kvayzon.“Volfsburg”—“Bayer Leverkuzen” 0:3
Gollar: 0:1 — 45 Heverts, 0:2 — 62 Folland, 0:3 — 88 Brandt.“Verder”—“Ayntraxt F” 2:2
Gollar: 1:0 — 27 Eggeshtayn, 1:1 — 35 Rebich, 2:1 — 52 Harnik, 2:2 — 68 Haller.27-yanvar, yakshanba
“Bavariya”—“Shtutgart” 19:30
“Fortuna D”—“Leypsig” 22:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)